التايم مجازين

دايما بتابع قلم رصاص على التى فى و فى اخر مرة اتكلم عن التايم مجازين عن برسون اوف ذا يير,المهم اتكلم هو و الضيف شوية عن النيو تك و البلوجز و الحاجات الجديدة دى خصوصا عن اختيار كل واحد للفيرتيوال ورلد بتاعوه.المهم,كون انى داخلة على امتحانات بعد العيد قلت انزل اشوف فيلم خيانة مشروعة,هو الاسم بصراحة مكنتش فهماهه بس لما اتكتب جستيفايد بترايال فهمت و قلت لنفسى ان لو كان اسم الفيلم خيانة مبررة كان حيبقى صعب شوية و لو كان اسمه خيانة شرعية حيبقى صعب قوى و يمكن تطير فيه رقاب عشان كده خيانة مشروعة ممكن يكون ناجح تجاريا و تسويقيا..الفيلم معقول و احسن بكتير من وييجى بورد اللى نزل باسم ويجا واللى كرهت فيه اليوم اللى رحت فيه الفيلم ده..بعد كده قلت اخرج اروح مكتبة مدبولى حيث انها قريبة من السينما..خبطت فى سكتى ببتاع الجرايد و الجرايد دى الصراحة بعزها اوى ,قامت مجلة التايم جت فى وشى كانوا عاملين الكافار حلو جدا :لما تمسك المجلة فيها جزء من الفويل عامل زى المراية و بتعكس صورتك ضحكت و لما قريت تحت المراية كلمة : يو ,ضحكت اكتر بس لما ركزت شوية لقيت انها مش مجرد كلمة يو بس دوله قصدهم يو تيوب ,بصراحه يو تيوب يجنن و يستحق فعلا برسون اوف ذا يير ,حطين على السايت ده كل حاجه فيديو تابد بما فيها الاغانى القديمة اللى كنت بدورعليها -انا عموما بحب كريزى فروج